CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Diluns, 21 d'octòbre

Actualitats

Dimars, 11 de junh de 2019, 03h00 Escòla,Politica

Albi: pas de continuitat per l’occitan al licèu

Los escolans bilingües a la mairala e al collègi se tròban fàcia al fach que l’occitan s’arrèsta a las pòrtas del licèu. Òc-Bi exigís que l’Acadèmia complisca sos engatjaments


Comentaris 5 comentaris    
Marrit Flac Bon Plan bon Fabulós (9 vòtes)
carregant En cargar


Òc-Bi remembra la convencion-quadre pel desvolopament e per l’estructuracion de l’ensenhament de l’occitan signada en genièr de 2017 per la Region, lo Rectorat e l’Estat. Pasmens, los collegians d’Albi poiràn pas contunhar d’estudiar l’occitan al licèu
© www.najat-vallaud-belkacem.com





Los collegians d’Albi poiràn pas contunhar d’estudiar l’occitan al licèu. Lo collègi public Bellevue d’aquela vila foguèt un dels primièrs de l’acadèmia de Tolosa a introduire una seccion bilingua en 1995 per seguir lo percors de l’escòla mairala. Ara, los collegians se tròban fàcia al fach que l’occitan s’arrèsta a las pòrtas del licèu, ont  la sola possiblitat que tenon es un cors d’occitan d’una ora per setmana d’ensenhament opcional, sens distincion entre los escolans que començan e los qu’an ja seguit un percors bilingüe dempuèi l’escòla mairala.
 
Segon un comunicat de l’Associacion Òc-Bi del departament de Tarn, fòrça escolans bilingües de 3a o de 2a desiran de contunhar l’occitan dins la ciutat escolara. Eles devon aver drech d’aquerir lo nivèl B1-B2 del Quadre Europèu Comun de Referéncia per las Lengas. En mai d’aquò, Òc-Bi remembra la convencion-quadre pel desvolopament e per l’estructuracion de l’ensenhament de l’occitan signada en genièr de 2017 per la Region, lo Rectorat e l’Estat davant las camèras de France 3 e l’inspector general encargat de las lengas dichas regionalas. Recòrdan tanben la paraula de la rectritz d’aquela circonscripcion escolara: lo 13 de febrièr de 2019, s’engatgèt d’efièch sus la securizacion dels percorses bilingües.
 
Ça que la, lo rectorat de Tolosa a pas respondut a cap de las onze demandas per una seccion bilingua francés-occitan. A quitament ignorat la demanda adreiçada lo 19 d’abril passsat que recensava las autras onze demandas.
 
Las revendicacions d’Òc-Bi son pas brica desmesuradas. Demandan que s’establisca pro d’oras per que los escolans pòscan beneficiar d’almens doas oras per setmana dins lo quadre de l’ensenhament bilingüe amb la possibilitat de recampar, se cal, los escolans de 2a e de 1a dins un meteis cors.
 
Òc-Bi es una associacion d’ensenhaires e de parents de l’ensenhament public de las acadèmias de Tolosa e de Bordèu, que trabalha per difusar e metre en plaça l’ensenhament bilingüe per que l’occitan siá present dins lo sistèma public d’educacion.
 
 
 


abonar los amics de Jornalet
 



publicitat
BANER1-2-3: DGPL DICTADES



Comentaris

14 de junh 13.02h

"Promèssas de Delga, t'i podes pas fisar" (savièssa populària occitana, sègle 21)


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

13 de junh 07.46h

#3 Où atencion colèga,que i a Delgà, l'idòla de Jornalet, sus aquela fotò !


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

13 de junh 05.13h

Quina polida fòto d'una còla d'ipocritas!
Es lo mur dels colhastres?


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

11 de junh 23.23h

( ....1138 - 1192....)

Macron, que en vos se fia
ni a amor ni paria;
gardar deu totas ves
qu'on que an : an de clar dia,
de nuoits ab vos non an ges
A, Marquès, Marquès, Marquès.
d'engan etz farsitz e ples.

Guillem de Berguedà.


Valoriza aqueste comentari:   votar positiu 4   votar negatiu 3
Respondre comentari replica Comentari inadeqüat   Formulari d'abús de comentari

11 de junh 20.23h

Pels occitans que son pas forçadament al fial complet de çò que se passa dins l'educacion (e es lor drech tant l'afar es deprimant e cagant a l'encòp) aquí d'informacions :

- Cal saber que mancan encara 90 oras d'occitan pels collègis e licèus dins Tarn per rapòrt a l'an passat.

- D'unes caps d'establiment mencionan pas l'opcion occitan per l'inscripcion.

- D'unes caps d'establiments, plan favorables, se fan mandar pintrar de gàbias per l'inspeccion academica quand demandan d'oras ... Legir mai


Valoriza aqueste comentari:   votar positiu 12   votar negatiu 4
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Editorial

Tresmudar un problèma politic en un problèma d’òrdre public

Dempuèi longtemps l’estat espanhòl refusa de resòlver politicament lo problèma politic que ten en Catalonha. Ara, après l’enòrma indignacion ciutadana ...
giny

Lo temps

Mapa
  • sol Agen 10
  • sol Aush 10
  • sol Bordèu 11
  • sol Briançon 11
  • sol Caors 9
  • sol Carcassona 12
  • sol Clarmont-Ferrand 9
  • sol Confolent 10
  • sol Gap 8
  • sol La Canau 11
  • sol La Gàrdia 13
  • sol Limòtges 8
  • sol Lo Borg Sant Dalmatz 15
  • sol Lo Puèi de Velai 9
  • sol Marselha 17
  • sol Montpelhièr 14
  • sol Naut Aran 8
  • sol Niça 17
  • sol Nimes 16
  • sol Pau 11
  • sol Peireguers 9
  • sol Rodés 10
  • sol Tolon 8
  • sol Tolosa 10
  • sol Valença 14

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • Conferéncia de Yan Lespoux sus las relacions occitanocatalanas en Malhòrca (11.05.2017)

  • © Conselh Generau d'Aran

    Lo Torn de França 2016 en Aran

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • Los Pokémons de la 3a generacion revirats en occitan

  • © Laurenç Revèst

    A Gavotina marítima: O Castelar vielh, e faishe sota A Pena e vista de Sant Bernat de Castelar

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • A Gavotina marítima: Recabruna Cab Martin, a vila vielha e o castèl dau sécolo X

  • País de Rasés. © Franc Bardòu

    País de Rasés

  • © Xavi Gutiérrez Riu

    Coserans: Sent Líser, Casavèth, Sent Guironç, Saurat...

  • © Laurenç Revèst

    Bessas (Bas Vivarés)

  • A Gavotina marítima: Recabruna Cab Martin, a vila vielha e o castèl dau sécolo X

  • Besièrs. © Melanie Laupies

    Besièrs

  • A Lesinhan de las Corbièras, per la rota

    L'occitan per carrièras (concors de prima 2014)

  • Omenatge a Aragon. © Franc Bardòu

    Omenatge a Aragon

  • Hug de la Rosa

    Manifestacion "Er aranés, era nòsta identitat". Vielha 24 de març 2018

  • © Franc Bardòu

    Catalonha etèrna

  • Sud Tolosan. © Franc Bardòu

    Concors d'estiu 2012: La fotografia de las vacanças

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Miquèu Barís

    Los calandrons d'Auloron qu'an visitat Baiona

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Que pensas de las senténcias de 9 a 13 ans de preson contra los nòu nauts representants independentistas catalanas?


5%



3%



92%



0%




Vots 60 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)