De joslinhar que per lo taus de pauretat, França fa melhor que la mejana europenca.

Lo taus es de 13,6 % de la populacion viu en dejos dels 60 % del salari mejan. Es a diser mens de 1000€ / mes.
França ten melhonas resultas que l’union europenca a 15 país (taus de pauretat d’aicestes a 17,1%)

En suècia, en Alemanha, al Reialme Unit lo taus de pauretat es alentorn de 16 %, mentre qu’es a 22% en Espanha.

D’apèi una estudi d’eurostat l’ajuda sociala en França redusís devèrs detz punts la pauretat que sariá sens las ajudas a 24 % e de fa melhor que la mejana europenca

I a res que se crèe, i a res qu se pèrda, tot se transforma.
Quant mai de paures i a e quand mai son paures, mai son rics los superrics!
E tot va plan Madama la Marquesa!

#1 E enfin, cada còp que parlam de pauretat, se caldriá plan remembrar que la bana d'abondança, aquò existiís pas. Cada còp qu'un ric ven mai ric, o ven de çò qu'a pres als paures. E que cada còp qu'un paure ven mai paure, o ven de çò qu'un ric li a pres, o de çò qu'un ric a refusat de partejar amb el.

Lo mai clar de las gents van trabalhar 1) ja que n'an pas la causida e 2) per n'aver mai que lo vesin. Rars, fòrça rars son los que fan lor trabalh per blosa vocacion e d'un biais desinteressat.

Vòli ben qu'un plan relatiu nivèl d'inegalitat materiala ajude un pauc a gratificar los que fan mai d'esfòrces per la comunautat. Mas lo nivèl actual d'inegalitat (dos o tres centenats de mariòls parasitaris qu'a eles sols tenon la mitat de la riquesa del mond per sèt miliards d'umans que devon partejar l'autra mtitat !!!) fa que la pauretat apareis plan clarament coma una injustícia rigorosament injustificabla, autrament que per de barjacadas dessenadas coma la predestinacion divina.

Sabètz ? "Soi ric per amor que dieu o vòl" o alara "soi ric perçò qu'amb mon liure arbitri, ai fait las bonas causidas, las de te voidar las pòchas per omplir las mieunas, e aquò se ditz lo meriti : e donc soi ric per amor qu'o meriti". A òc ? "E ben nosautres, te 'n fasèm espetar lo cap per amor que dieu o vòl alavètz !" o encara "E ben nosautres, las t'anam far voidar, las pòchas, conflas de çò que nos as pres : es la nòstra bona causida e o avèm meritat…"

Los sistèmis inegalitaris tenon amb bricas e ciment, coma parets d'una preison :

1) las bricas de l'orguèlh que buta d'unes a se'n crèire mai importants que d'autres, e donc a s'estimar lo dreit d'apaurir los autres…
2) Lo ciment de la páur de reclamar l'egalitat, ja que los rics fondan las leis de tal biais que çò legal empache los despossedits de despossedir los que los an despossedits, puèi usan de las fòrças ditas "de l'òrdre" per far valer aquelas leis qu'an pas d'autras vocacions que de los gardar rics, al nas dels paures despossedits.

E aital va lo mond, fins que n'ajam enfin sadol.

Plan polidet tot aquò mas per aver una idèia caldriá far comparason ambe los autres país d’euròpa
En 2018 e en percentage del PIB Lo classament èra atal :

França 31,2 % del PIB
Belgica 28,9 % del PIB
Finlandiá 28,7 del PIB
Danemarc 28 % del PIB
Italiá 27,9 del PIB
Autricha 26,6 % del PIB
Sueda 26,1 % del PIB
Alemanha 25,1 % del PIB
NOrvegia 25 % del PIB
Catalonha 23,7 % del PIB ( Espanha)
Grecia 23,5% del PIB
Portugal 22,6 del PIB
Luxemborg 22,4% del PIB
Eca……
Per las ajudas socialas semblaria que val mai viure en frança qu’en catalonha vist que frança es campiona del mond.
E tot sistem a un nivèl de perversion, es a diser de monde qu’aprofiechan d’una situacion, es exprimit per un taus. Malastrudamant avem cap de chifras sul sicut.
De per exemple avem agut ministres qu’estatjavant dins un HLM, amai se pagavon un subre loguièr, los HLM an pas estat bastit per lotjar de ministres !
Caldriá tanben d’explicas sul nivèl de pauretat……..