Actualitats
Bretanha se sarra del referendum de reünificacion
Lo president de la region a prepausat de consagrar una partida del budget de 2020 per organizar lo vòte
Lo president de la Region Bretanha, lo socialista Loïg Chesnais-Girard, a inserit una emendament dins lo budget de 2020 per l’organizacion d’un referendum sus la reünificacion de Bretanha, per que lo departament del Léger Atlantic, istoricament e culturalament breton, torne far partida de la region qu’ara ten quatre departaments.
La votacion es encara ipotetica, ja que cal l’aprobacion del conselh departamental de Léger Atlantic e de la region del País de Léger, qu’aquel departament ne fa actualament partida, e que fins ara s’i es opausat. Ça que la, cal remarcar qu’un sondatge recent conclusiá que de tres parts dels ciutadans del departament doas èran favorablas al referendum e que lo 53% d’eles votariá en favor.
L’iniciativa se produtz qualques setmanas après la presentacion d’un rapòrt del grop de trabalh sus la reünificacion, creat per la region en 2016. Demest sas recomandacions, afirmava que “lo problèma de la reünificacion de Bretanha es fondamentalament democratic” e que, per tant, “lo cal resòlver d’una manièra democratica”.
La votacion es encara ipotetica, ja que cal l’aprobacion del conselh departamental de Léger Atlantic e de la region del País de Léger, qu’aquel departament ne fa actualament partida, e que fins ara s’i es opausat. Ça que la, cal remarcar qu’un sondatge recent conclusiá que de tres parts dels ciutadans del departament doas èran favorablas al referendum e que lo 53% d’eles votariá en favor.
L’iniciativa se produtz qualques setmanas après la presentacion d’un rapòrt del grop de trabalh sus la reünificacion, creat per la region en 2016. Demest sas recomandacions, afirmava que “lo problèma de la reünificacion de Bretanha es fondamentalament democratic” e que, per tant, “lo cal resòlver d’una manièra democratica”.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Endavant, amics bretons!
Per veire se capitatz de fendasclar aquela chapa de plomb que nos vòl escanar!
Per reunificar Bretanha, d'urnas ! Per reunificar Occitania (e Catalonha) non i a jamai agut que los trobadors, las dòmnas e Amor… Per tot çò mai, non sabèm pas que nos carpinhar entre nosautres, e nos sometre davant d'arlèris.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari