Actualitats
Turquia: lo ministèri public entamena un procès d’illegalizacion contra l’HDP
Lo partit esquerrista pròcurd es acusat d’atemptar contra l’indivisibilitat de l’estat e d’aver de ligams amb lo PKK
Lo procuraire general de la Cort de Cassacion de Turquia a entamenat una procedura per l’illegalizacion del Partit Democratic dels Pòbles (HDP). Davant la Cort Constitucionala, lo procuraire acusa l’HDP d’atemptar contra l’indivisibilitat de l’estat turc e de manténer de ligams amb lo PKK, çò rapòrta Nationalia que mençona l’agéncia oficiala Anadolu.
L’HDP es una coalicion d’esquèrra curda e turca aliada amb d’ecologistas, de feministas e de minoritats religiosas, qu’intrèt al parlament turc pel primièr còp en 2015. Puèi, en 2018, venguèt lo tresen partit del parlament en tot èsser lo partit mai votat dins las províncias curdas.
Dempuèi sa fondacion, en 2012, l’HDP a patit la persecucion de la justícia turca e fòrça de sos elegits son encarcerats, coma o podètz legir dins la tièra laterala de “nòvas restacadas” qu’avèm publicadas dins Jornalet.
L’HDP es una coalicion d’esquèrra curda e turca aliada amb d’ecologistas, de feministas e de minoritats religiosas, qu’intrèt al parlament turc pel primièr còp en 2015. Puèi, en 2018, venguèt lo tresen partit del parlament en tot èsser lo partit mai votat dins las províncias curdas.
Dempuèi sa fondacion, en 2012, l’HDP a patit la persecucion de la justícia turca e fòrça de sos elegits son encarcerats, coma o podètz legir dins la tièra laterala de “nòvas restacadas” qu’avèm publicadas dins Jornalet.
|
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mas qu' es pot esperar d'un estat aital. L'UE li auria de fotre una potada al cuol e rompre las relacions.
Declarar illegal çò pausat a la politica oficiala del mai fòrt : aital, los afars e las discussions seràn lèu menats ! Es a se'n creire en Espanha…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari