Actualitats
La Corèa del Nòrd crèa son pròpri fus orari
Segon lo govèrn de Pyeongyang, avián fins ara l’orari impausat pels “imperialistas japoneses”
La Corèa del Nòrd aurà son pròpri fus orari a partir d’aqueste 15 d’agost, que serà de 30 minutas de mens que lo qu’an agut fins ara (çò es, uèch oras de mièja de mai que l’ora de Greenwich, GMT). Lo govèrn nòrd-corean aital vòl commemorar sa liberacion de Japon e la fin de la Segonda Guèrra Mondiala, amb l’argument que fins ara avián l’orari impausat pels “imperialistas japoneses”, çò rapòrta la BBC.
Lo ministèri de l’unificacion de la Corèa del Sud a declarat qu’aquela mesura portarà “de dificultats” suls afars logistics basics e considèra que poiriá “afectar negativament l’integracion” dels dos païses.
Lo ministèri de l’unificacion de la Corèa del Sud a declarat qu’aquela mesura portarà “de dificultats” suls afars logistics basics e considèra que poiriá “afectar negativament l’integracion” dels dos païses.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari