Benedicta Bonnet

Benedicta Bonnet a frotjat dau costat de Sent Alari las Plaças, en Lemosin. A la fin de las annadas 1990, en s'en tornar de París ente aviá passat 10 ans, Benedicta tornet descubrir la linga qu'aviá auvit tota son enfància e comencet d'escriure sos prumiers textes en occitan. Veiquí çò que ne'n disiá Joan Ros, dau Peirigòrd, que faguet paréisser son prumier recuelh chas Novelum (IEO Dordonha): "Quò es la chucada d’una sensibilitat esmiraudiada davant lo país aimat, los remembres de l’enfança enquera pròcha, la vita que se drueba, que s’exprimen dins los poemas e los corts textes de pròsa recampats per lo prumier còp dins queu recuelh."