Bandièra01 1180x150: Comuna de Tolosa

Opinion

Ciau d'auei

Benedicta Bonnet

Benedicta Bonnet

Escrivana en poèta. A la fin dels ans 1990 tornet descubrir la linga qu'aviá auvit tota son enfància e comencet d'escriure sos prumiers textes en occitan

Mai d’informacions

Tèxte legit

Ai vist lo pàisser, la tranuja, la corriada.
Ai ’massat las nesplas.
Lo quite perier a crebat de fermigier minjat, a son pè, de sas raiç, jos mos uelhs.
L’aiga de clarda, lo riu de levada, la femna, l’òme, lo chen, la chabra son tanben passats.
De la maison dreibida a l'escura, ren ne'n demòra: tot s'a barrat.
Lo jau, l'aucha, lo quite margaud an ’chabat de chantar, mai, de segur, credar.
Ai dins l’eime, queraque, lo vent d'un temps que bufa tots biais.
L’i tòrne cherchar la brija, que fará levar la pasta de l'alen, que per deman ieu raibe!




Ciau d'auei(MP3, 46'')


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
3.

Un pauc d'aiga linda per refrescar las anmas ! Plan mercés, poetèssa.

  • 4
  • 0
JC Dourdet
2.

Mercés beucòp Benedicta per quilhs braves poemas que chanten tan ben lo país. Sei bien d'acòrd coma JP La Rapieta.

  • 4
  • 0
Jp la rapieta
1.

Grandmarce per 'quela poësia tant coma la que balhetetz i a quauques temps a Jornalet.

I aura dau monde per criticar lu biais d'avieisar lu monde daus - e de las - dau Lemosin, mas 'quò fai res, vos fau contunhar de dire lu monde entau qu'eu es.

Marce.

JPB

  • 6
  • 1

Escriu un comentari sus aqueste article