Actualitats
Julian Assange: la justícia britanica a decidit que lo pòt extradir devèrs los Estats Units
Lo fondador de Wikileaks es acusat d’espionatge per aver desvelat de crimes de guèrra del Pentagòn en Afganistan e Iraq
Tèxte legit
La justícia britanica a decidit que pòt extradir lo fondador de WikiLeaks, Julian Assange, devèrs los Estats Units, ont lo reclaman per aver mancat a la lei de l’espionatge (1917) en tot aver publicat, amb l’ajuda de l’èx-analista d’intelligéncia Chelsea Manning, de documents classificats que restacavan los Estats Units amb l’espionatge diplomatic, de crimes de guèrra e d’autras violacions dels dreches umans. Lo darrièr mot sus l’extradicion l'aurà lo govèrn britanic.
La defensa d’Assange aviá argumentat que l’extradicion èra un risc per sa vida a causa de las condicions que l’esperarián dins la preson estatsunidenca e de son delicat estat de santat, sustot de santat mentala que lo poiriá menar al suicidi. La Cort d’Apelacion de Londres a doncas donat rason al govèrn dels Estats Units, malgrat que la defensa d’Assange pòsca encara presentar un recors.
Los Estats Units reclaman Assange per aver desvelat de centenats de documents confidencials. L’acusan de 18 delictes d’espionatge e de conspiracion, coma la revelacion de crimes de guèrra comeses en Iraq e Afganistan. Per aqueles delictes, als Estats Units lo poirián condemnar a 175 ans de preson.
Assange se tròba encarcerat ara dins la preson de nauta seguretat de Belmarsh, près de Londres dempuèi abril de 2019. L’arrestèron en 2010 al Reialme Unit per un presumit cas d’abús sexual en Suècia, qu’ara es archivat. Long d’aquestes dètz darrièrs ans aviá viscut confinat, primièr assignat a domicili e puèi refugiat dins l’ambaissada de l’Eqüator a Londres. Mas lo cambiament de govèrn en aquel país american, en 2019, li retirèt la proteccion e d’agents de la polícia britanica lo venguèron arrestar.
La defensa d’Assange aviá argumentat que l’extradicion èra un risc per sa vida a causa de las condicions que l’esperarián dins la preson estatsunidenca e de son delicat estat de santat, sustot de santat mentala que lo poiriá menar al suicidi. La Cort d’Apelacion de Londres a doncas donat rason al govèrn dels Estats Units, malgrat que la defensa d’Assange pòsca encara presentar un recors.
Los Estats Units reclaman Assange per aver desvelat de centenats de documents confidencials. L’acusan de 18 delictes d’espionatge e de conspiracion, coma la revelacion de crimes de guèrra comeses en Iraq e Afganistan. Per aqueles delictes, als Estats Units lo poirián condemnar a 175 ans de preson.
Assange se tròba encarcerat ara dins la preson de nauta seguretat de Belmarsh, près de Londres dempuèi abril de 2019. L’arrestèron en 2010 al Reialme Unit per un presumit cas d’abús sexual en Suècia, qu’ara es archivat. Long d’aquestes dètz darrièrs ans aviá viscut confinat, primièr assignat a domicili e puèi refugiat dins l’ambaissada de l’Eqüator a Londres. Mas lo cambiament de govèrn en aquel país american, en 2019, li retirèt la proteccion e d’agents de la polícia britanica lo venguèron arrestar.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La INJUSTICIO Britonico a decidit que farà lo que li diuen los poders de la cio, lo pentogono, e los fachos. E qu'es mantendrà a las ordres dels poders militars e la dictadura orrè qu' es l' injusticio en son País lo Roiolo Unit Britonico.
La bèstia immonda daissa jogar a la sembla-informacion ; mas quand l'Òme se sarra tròp de sas vergonhas lança sas urpas per lo destrusir. 1984 es pas lo privilègi del govèrnament chinés. totes vòlon far parièr, amb mai o mens de discrecion. Se Assange es liurat als jaulièrs estatsunidencs, alara la messorga criminala serà tota poderosa dins lo mond. Per çò que los lançaires d'alèrta saupràn que tota informacion sensibla, coma dison los mèdias eufemisants, signarà lor mòrt sociala, s'es pas fisica.
Èra previst e inevitable, m'imagini mal los Estats-Units renonciant a punir una persona qu'a revelat de secrets qu'aquesta democracia vòl amagar a son pòble e al mond...Es tanben question de far un exemple e de dissuadir los que creson a la transparéncia dels govèrns democratics...Per çò qu’es d’Anglatèrra, es venguda una serviciala plan serviciosa, los qu’imaginavan que se refusariá als Estats-Units son un pauc innocents... Coratge Jullian, i a un fum de monde que te sosten e lo combat es pas finit!
Los aigats ? Quals aigats ?
Vergonha... Me ven l'enveja de bomir ! Los USA, país daus dreits umans, que disián...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari