Bandièra01 1180x150: Comuna de Tolosa

Actualitats

Fòrça collègis e licèus del país an suprimit las classas d’occitan

E mai ajam pas encara de chifras, se rapòrta fòrça corses barrats. Es lo cas de Murèth, Pins e Justaret e Le Vernet ont de nombroses collegians e liceans an perdut l’ensenhament d’occitan

Qualques milièrs manifestèron lo 17 de febrièr, lo còr de Tolosa dins una granda manifestacion festiva e revendicativa, convocada d’urgéncia après l’alèrta de supression de l’occitan de l’ensenhament public
Qualques milièrs manifestèron lo 17 de febrièr, lo còr de Tolosa dins una granda manifestacion festiva e revendicativa, convocada d’urgéncia après l’alèrta de supression de l’occitan de l’ensenhament public | Creo Tolosa
La rintrada escolara es arribada negra en Occitània. Son fòrça los collègis e los licèus del país qu’an suprimit sas classas d’occitan. Abans las vacanças, los ensenhaires del collectiu per l’ensenhament de l’occitan dins l’acadèmia de Tolosa (CRÈO Tolosa) avián anonciat que se prevesiá pas cap de dobertura de classa dins lo primari e dins lo segondari e que mancava 168 oras mentre qu’una vintena de collègis e licèus èran a barrar de corses o a los limitar. Atal s’es passat almens a Murèth, Pins e Justaret (Tolosan) e Le Vernet (País de Pàmias), segon çò qu’an raportat de legeires a la redaccion de Jornalet, e mai lo Ministèri de l’Educacion francés aja assegurat la “santuarizacion” de las classas bilinguas.
 
Lo licèu Pèire d’Aragon de Murèth, que recep los ancians collegians del collègi Betança, just a costat, ven de suprimir d’autoritat la seccion d’occitan (LVB/LVC segon la novèla formula de la Lei Blanquer per designar las lengas ensenhadas). Los collegians son, majoritàriament, d’èx-escolans de la calandreta qu’ara poiràn pas pus seguir los estudis en occitan ni mai un cors d’occitan.
 
D’autre caire, los liceans del licèu Vernant, establiment vesin de Pins e Justaret, se tròban, eles tanben, confrontats a la supression de l’opcion occitan, mentre qu’èran nombroses los inscriches que ne fasián, qualques unes despuèi mai de cinc ans.
 
En mai d’aquò, lo collègi Marcèl Doret del Vernet s’es trobat obligat de devesir per dos lo pauc d’oras que donava cada setmana en occitan, mentre que lo collègi Antonin Perbòsc d’Autariba decidissiá unilateralement de la supression de l’opcion engatjada sus tres ans.
 
Per poder avalorar l’amplor de la tragèdia, e aver de chifras, la Federacion dels Ensenhaires de Lenga d’Òc (FÈLCO) es a realizar una enquista, primièr dins los collègis e licèus de l’Acadèmia de Tolosa e puèi a l’escala de tot l’espaci occitan.

 
 
 

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
27.

No poden plegar, ningú, i hi hauria d'haver cada cop mes classes en Occità.
Es talcom hauria d'ésser, la resta una anohomalia.
Atotes, Tot en Occità.
Viscala Terra...Lliure!
L'Ernest, "El Tàrrega".

  • 0
  • 0
Tresauraria occitana Tolosa occitana
26.

#23 Del moment que Notre Dame de Paris serà sauvagardada e restaurada, la presidenta d'Occitanie vei pas ont es lo problèma.

  • 0
  • 0
francesc palma
25.

Lo nacionalisme que s' imposa a la força als vençuts mata e assassina. 1.000 000 se calcula que tuaren los franceses e los crosats en la guerra que duret 50 ans. Aquí una cançoneta de Marcabrun, adaptada un pauc per aquesta ocasion.

Chovin' es de mala raça
sens espasa nos estraça
mai que guerra tua amassa.
Escotats !
sens tisana nos enmasca
lo pus brave ne ven fat.

  • 1
  • 0
JC Dourdet
24.

#23 Mercés Emmanuel, as fach ma jornada, excellenta responsa, m'a fach plan rire. E dire que n'i a que l'i cresen au complòt judeo franc maçonico islamisto macronisto merkelisto illuminati reptilian... ;) omenatge a Lachaud Papioli

  • 5
  • 7
Emmanuèl Isopet
23.

#8 Es estranh, me sembla qu'aqueste comentari es pas complet; avètz doblidat Lady Delgà Fan-Club de parlar de l'invasion dels migrants e del complòt judeo-maçonic-islamista que tira las correjas de las redaccions de Jornalet e del Washington Post.

  • 13
  • 18

Escriu un comentari sus aqueste article