Bandièra01 capçalera  1180x150: Botiga

Actualitats

Hong Kong: lo parlament debat de criminalizar los insultes a l’imne chinés

Lo debat s’es fach amb las carrièras presas per la polícia e los militars qu’an reprimit amb duretat las manifestacions dissidentas

Dimècres passat, lo Conselh Legislatiu, lo parlament d’Hong Kong, èra a debatre una nòva lei que cèrca de criminalizar los insultes a l’imne chinés. Lo debat se tenguèt entre de mesuras de nauta seguretat del temps que de centenats de policièrs e militars ocupavan las carrièras per reprimir las protèstas. An detengut almens 15 manifestants.
 
Aquel debat se produtz a un moment que las protèstas an tornat prene las carrièras de l’èx-colònia britanica a causa de la polemica nòva de lei de seguretat chinesa, que vòl cancelar per la via dels faches l’autonomia d’Hong Kong en autorizant las fòrças de seguretat chinesas a agir dins lo territòri d’Hong Kong sens qu’o permeta lo govèrn autonòm de la vila. Aquela nòva lei enebís “tot acte de traïson, secession, sedicion e subversion” contra lo govèrn chinés e tanben lo “panatòri de secrets d’estat e l’organizacion d’activitats a Hong Kong de part d’organizacions politicas estrangièras”.
 
A Hong Kong fa gaireben un an que las protèstas contra las ingeréncias de Pequin s’arrèstan pas. Son d’imatges que se vesián pas dempuèi la dicha Revolucion dels Parapluèjas de 2014. La beluga d’aquesta nòva èrsa de protèstas foguèt una proposicion de lei, retirada puèi, que permetiá al govèrn de la vila d’extradir devèrs China los ciutadans hongkongueses que Pequin reclamèsse.


 







abonar los amics de Jornalet

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

L'extrema dreta de França, Espanha, e del mond, aprofitan per far aquestes debats al parlament autonoms, regionals, de l'Estat, e d'alhà on sia.

  • 0
  • 0

Escriu un comentari sus aqueste article