Bandièra01 1180x150: Comuna de Tolosa

Actualitats

Sèt encastres de racisme dins lo Mond, delà lo collectiu afroamerican

Pòbles sens estat, indigènas e migrants patisson de.grèvas discriminacions suls cinc continents

Lo murtre de George Floyd, estofat per un policièr als Estats Units, a amodat per tot lo Mond una èrsa de protèstas contra lo racisme d’una portada sens precedent. Aquela ideologia discriminatòria a oprimit pendent qualques sègles la populacion negra als Estats Units, mas es pas solament aquí que i a de collectius nombroses que patisson lo racisme. Nationalia rapòrta sèt autras situacions de racisme que son saique pas tan conegudas, a partir dels articles, reportatges e entrevistas que la revista catalana especializada en pòbles minorizats a publicats.


1. “Monins!”: los insultes contra lo pòble papó en Indonesia
 
Las protèstas de 2019 en Papoa Occidentala en revendicacion del drech a l’autodeterminacion aguèron tanben un vessant revendicatiu contra la discriminacion raciala. Los manifestants denonciavan lo racisme de policièrs, militars e civils indonesians contra la populacion papó, de pèl mai escura. Las protèstas se desfermèron après que se foguèt sauput que d’estudiants papós èran estats secutats e vexats a Surabaya (Java) jos los crits de “monins” e “cans”. Lo documentari The war next door, emés aqueste an 2020, rapòrta aquela situacion.
 
 
2. L’antigitanisme que se’n va pas
 
Mentre que se debanavan las protèstas per l’afar Floyd, s’es sauput qu’un ròm, Daniel Jiménez, es mòrt —segon divèrsas organizacions, assassinat— dins un comissariat de la polícia a Algesiras (Andalosia). Un de mai dins la lista interminabla de cases que las associacions de ròms denóncian coma racisme institucional. D’exemples n’i a pertot: fa de meses. Nationalia faguèt un apròchi de la situacion de Romania dins un vast reportatge que presentava la lucha antiracista dels collectius ròms romaneses en de domenis coma l’emplec, los mèdias o la santat.
 
 
3. L’opression dels pòbles maias dins las paraulas de Lolita Chávez
 
Lo racisme contra los pòbles indigènas es constant per tota la planeta e, particularament, en America. L’activista maia de Guatemala Lolita Chávez assegurava dins una entrevista qu’aquela situacion èra estrechament restacada amb lo colonialisme e lo patriarcat assumits e fomentats pels estats pòstcolonials del Nòu Continent. D'efièch, los maias patiguèron un genocidi de part de l’estat guatemaltèc pendent la guèrra civila que frapèt lo país centreamerican pendent mai de 30 ans.
 
 
4. Aborigèns en Austràlia: de la generacion raubada als maltractaments del presonièrs
 
Lo racisme antiaborigèn en Austràlia butèt, dempuèi l’an 1900 fins a l’an 1970, l’estat a ensajar d’exterminar los pòbles originaris de l’illa-continent per mejan del raubatòri d’enfants e de tecnicas d’eugenisme. O explicava Sudi Ballyn dins una entrevista a Nationalia. La lucha dels activistas aborigèns coma Eddie Mabo contribuiguèt a metre fin al racisme legal, mas lo racisme estructural persistís. Un sol exemple: lo cas dels maltractaments dels joves aborigèns dins las presons dels Territòris del Nòrd.
 
 
5. L’escàndol del racisme institucionalitzat contra lo pòble rohingya
 
Un dels encastres mai flagrants es a l’ora d’ara lo del racisme —assumit coma politica d’estat sens complèxes— contra lo pòble rohingya en Birmania. L’avèm plan raportat sus Jornalet e Nationalia ne parlèt en prigondor dins un article d’analisi sus la crisi umanitària desfermada per la persecucion que la patís aquel pòble minorizat del sud-èst asiatic. Una repression que dempuèi mai d'un decenni los manten dins la marginalizacion sociala, politica, economica e legala, fins a lor refusar lo drech de ciutadanatge.
 
 
6. Lo racisme en Russia contra las personas d’originas caucasiana e centreasiatica
 
Un dels aspèctes particulars que los pren lo racisme en Russia es sa fixacion suls immigrats d’originas caucasiana e centreasiatica, ont confluisson amb l’islamofobia las discriminacions per las caracteristicas fenotipicas de las gents. Lo SOVA Center, un dels instituts de referéncia en Russia en matèria de denóncia del racisme e de la xenofòbia, rapòrta los atacs —de còps, mortals— contra de personas de l’aspècte “asiatic”, probablament sortits de l’Asia Centrala e del Caucàs, e tanben condemna la retorica antisemita de l’extrèma drecha russa. De tot aquò parlèt Nationalia.
 
 
7. La xenofobia en Euròpa
 
Lo racisme en Euròpa a de multiplas caras e una fòrça evidenta n’es la creissença dels partits xenofòbs, racistas e antiinmigracion sul Vièlh Continent dempuèi fa mai de dos decennis. Nationalia a raportada la pojada de la Liga en Itàlia, la xenofobia descomplexada en Polonha, lo ton totjorn que mai racista de l’ultradrecha neerlandesa o l’ascension de partits dobèrtament faissistas coma Auba Daurada en Grècia, qu’entre plan d’autres episòdis, lancèt un assaut dins lo Parlament Europèu contra un eveniment consagrada a la minoritat turca del país ellèn. Lo fenomèn a tocat tanben de partits de nacions sens estat coma Sud Tiròl o Flandra.
 
 

 
Aquesta nòva es adaptada de Nationalia amb qui Jornalet ten un acòrdi de cooperacion. 
 
 

abonar los amics de Jornalet
 
 

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
12.

No cal anar mai enfora, la maniera de tractar als catalans e occitans dins l'Estat Espanhol e Francès, negant-los los Drets Umans mai fonamentals e fins lo dret d'existir als occitans,foment de son extermini. Anticatalanisme, anti occitanisme, odi a la diferencia e discriminacion e racisme a las nostras lengas, culturas e nacions,= nazisme !

  • 2
  • 0
Racatge Jornalenc
11.

#10 Doncas denonciar lo massacre d'una populacion minoritària es de faissisme ? Interessant...

  • 6
  • 13
Marineta Rodés
10.

#4 Ton comentari merita pas cap de reaccion. Lo faissisme es pas una opinion, es un crime contra l'umanitat

  • 16
  • 8
Biològ Planeta Tèrra
9.

#8 Perdon mas pensi pas que las mèrdas pòscan racar

  • 7
  • 8
Racatge Jornalenc
8.

#7 Alora perqué ne pas dire la mesma chausa ambe los "paures migrants" que ploran d'èstre maltractats en Euròpa per los marrits xenofòbs ? ne lor avem pas mandat de venir s'installar chas nos. Ipocrita !!!

  • 8
  • 15

Escriu un comentari sus aqueste article